द कॉमन्स अ‍ॅग्रीमेंट

सर्वांसाठी एकच करार. कॉमन्स अ‍ॅग्रीमेंट हा एक असा करार आहे जो आपण सर्वजण एकत्रपणे स्वीकारतो. सहयोगी संस्था, सदिच्छादूत (अ‍ॅम्बेसेडर), स्वयंसेवक किंवा अँकर – आपण सगळे याच सामायिक कराराशी बांधील आहोत. यामुळे, क्लायमेट वीक इंडिया साठी मदत करणाऱ्या प्रत्येकाची समज एकसारखी राहते, आणि वेगवेगळ्या करारांची गरज उरत नाही.

आपल्या भूमिकेशी बांधील राहा, तुमचे नाव नोंदवा आणि संघटनेचा भाग बना. तुमचे नाव नोंदवल्यामुळे तुम्ही कोणत्याही एकाच संस्थेशी बांधले न जाता, क्लायमेट वीक इंडिया संघटनेचा एक भाग बनता. ही एक सामायिक आणि निरंतर सूची आहे.

आपली समान मूल्ये. प्रत्येक जण क्लायमेट वीक इंडियाच्या सामायिक करार आणि उद्दिष्टांच्या आधारे यात सामील होतो, जी सर्वांनी एकत्र मिळून तयार केली आहे. यामध्ये सतत सुधारणा होत आहेत. तुमचे नाव जोडून, हीच मूल्ये तुमच्या कामाला दिशा देतील, यासाठी तुम्ही सहमती देता. सामुदायिक करार (कम्युनिटी अग्रीमेंट्स) उद्दिष्टे

संघटनेचा भाग असण्याचा अर्थ काय? सहयोगी, सदिच्छादूत, स्वयंसेवक किंवा अँकर असणे म्हणजे तुम्ही स्वतः तयार केलेल्या आणि निभावणाऱ्या भूमिकेसाठी (किमान) एक स्पष्ट, सार्वजनिक वचन देणे. हे आमच्या वेबसाइटवर आणि सोशल मीडियावर दाखवले जाईल.

तुमची भूमिका. तुम्ही स्वीकारणार असलेली अचूक भूमिका पुढील पानावर आहे. तुम्हाला योग्य वाटणारी भूमिका निवडा; तुम्ही प्रामाणिकपणे जे योगदान देऊ शकता त्यानुसार ती मांडा – कोणतीही गोष्ट लहान नसते.

ब्रँड आणि नाव. तुम्ही स्वतःला क्लायमेट वीक इंडिया पार्टनर (सहयोगी) म्हणू शकता आणि क्लायमेट वीक इंडियाचा खरोखर भाग असलेल्या कोणत्याही गोष्टीसाठी संघटनेचा लोगो वापरू शकता. परंतु, जर तुम्ही एखाद्या नवीन मोहिमेसोबत जोडले जात असाल, तर त्यात तुमचे नाव किंवा लोगो वापरण्यापूर्वी मुख्य सहयोगी किंवा सदिच्छादूतांशी एकदा खात्री करून घ्या.

गोपनीयता. काहीवेळा सहयोगी अशा गोष्टी इथे सांगतात ज्या अद्याप सार्वजनिक झालेल्या नसतात. जसे की ड्राफ्ट प्लॅन्स, निधीबद्दलची चर्चा, सहयोगींची तपशील किंवा उपस्थितांची यादी. अशा गोष्टी कोअर पार्टनर किंवा अ‍ॅम्बेसिडर्ससोबत चर्चा केल्याशिवाय पुढे शेअर करू नका.

मालकी हक्क. तुम्ही सोबत आणलेली कोणतीही गोष्ट तुमचीच राहील आणि क्लायमेट वीक इंडियासाठी आपण एकत्र मिळून तयार केलेली कोणतीही गोष्ट हे आपल्या सर्वांचे संसाधन बनेल, ज्याचा वापर तुम्ही गैर-व्यावसायिक आणि समान ध्येय असलेल्या कामांसाठी पुढेही करू शकता.

या कराराचे स्वरूप. ही एक सामायिक समज आणि एकत्र काम करण्याचा हेतू आहे. हा कोणताही बंधनकारक व्यावसायिक करार नाही. जर कोणत्याही गोष्टीमध्ये किंवा उपक्रमामध्ये निधीचा किंवा सशुल्क कामाचा समावेश असेल, तर त्याचा तपशील स्वतंत्रपणे दिला जाईल.

कार्यकाळ आणि मागे हटणे. हा कॉमन्स करार क्लायमेट वीक इंडियाच्या सध्याच्या सत्रासाठी जून २०२७ पर्यंत लागू आहे. तुम्ही पूर्वसूचना देऊन कोणतेही कारण न देता कधीही मागे हटू शकता.

काही अडचण आल्यास. जर कधी काही चुकीचे वाटले, तर सदिच्छादूत (अ‍ॅम्बेसिडर्स) किंवा अँकर्सकडे जाण्यापूर्वी थेट संबंधित व्यक्तीशी संवाद साधण्याचा प्रयत्न करा. आपण प्रथम मोकळ्या संवादातून गोष्टी सोडवण्याचा प्रयत्न करू. गरज भासल्यास, मध्यस्थीसाठी आपण दोघांना मान्य असलेल्या एखाद्या तटस्थ व्यक्तीची मदत घेऊ शकतो.

क्लायमेट वीक इंडिया कॉमन्स मध्ये सामील होणे. ‘एक्सप्रेशन ऑफ इन्टरेस्ट’ फॉर्मवर आणि या करारावर तुमचे नाव नोंदून, तुम्ही क्लायमेट वीक इंडियाचा डोलारा सांभाळणाऱ्या सर्वांच्या यादीत सामील होता. तुमचे नाव नोंदल्याचा अर्थ असा असेल, की तुम्ही समुदाय करार, उद्दिष्टे आणि आचारसंहिता वाचली आहे; आणि तुम्ही त्याचे पालन करण्यास सहमती दर्शवत आहात. सामुदायिक करार (कम्युनिटी अग्रीमेंट्स) उद्दिष्टे आचारसंहिता