आमच्याविषयी

सामुदायिक करार (कम्युनिटी अग्रीमेंट्स)

ही मार्गदर्शक तत्त्वे ११ एप्रिल २०२५ रोजी झालेल्या ‘क्लायमेट वीक पार्टनर्स’च्या बैठकीत सामुदायिक करार पद्धतीने तयार करण्यात आली. या तत्त्वांमध्ये सर्व सहयोगी एकत्रितपणे आणखी सुधारणा करण्यासाठी पुढाकार घेऊ शकतात.

क्लायमेट वीक इंडिया’चे सहयोगी म्हणून आम्ही सर्वजण सामूहिकपणे मान्य करतो की…

प्रत्येक करार खाली सोप्या भाषेत दिला आहे. समुदायाने ज्या मूळ शब्दांत यावर सहमती दर्शवली होती, ते वाचण्यासाठी कोणत्याही करारासमोरील बाणावर क्लिक करा.

1. आम्ही सर्वांना सोबत घेऊ. विशेषतः अशा समूहांना, ज्यांना सहसा वंचित ठेवले जाते. कारण त्यांना आपल्या नजरेतून सहसा सुटणाऱ्या गोष्टी दिसतात आणि समजतात. सुरुवातीला ठरल्याप्रमाणे समस्या आणि उपायांबद्दलची आपली समज अधिक व्यापक करण्यासाठी, आम्ही नवीन घटकांना आणि बहुदा दुर्लक्षित राहिलेल्या घटकांना या संवादात सहभागी करून घेऊ.
2. हवामान विषयीच्या बातम्या चिंताजनक असू शकतात. त्यामुळे आम्ही फक्त भीती निर्माण न करता, प्रत्येक कठीण विषयासोबत आशादायी माहिती देऊ, आणि सहज करता येतील असे उपाय सुचवू. सुरुवातीला ठरल्याप्रमाणे क्लायमेट वीकमधील कार्यक्रम आणि सामग्री तयार करताना हवामानाशी संबंधित चिंता लक्षात घेतली जाईल. प्रत्येक चिंताजनक विषयासोबत आशादायी आणि कृतीस प्रोत्साहन देणारा दृष्टिकोनही दिला जाईल.
3. आमचा संवाद फक्त क्लायमेट वीकपुरता मर्यादित नसेल, तर तो वर्षभर सुरू राहील. सुरुवातीला ठरल्याप्रमाणे क्लायमेट वीक सर्व घटकांना सोबत घेऊन वर्षभर हवामानावरील संवाद सुरू ठेवण्यास मदत करेल.
4. यातून आपण असं काही तयार करू, जे चिरकाल टिकेल. कार्यक्रम संपतील, पण समुदाय आणि काम सतत सुरू राहील. सुरुवातीला ठरल्याप्रमाणे कार्यक्रमांपलीकडेही हा अनुभव आणि हे व्यासपीठ दीर्घकाळ चालू राहील याकडे आम्ही सामूहिकपणे लक्ष देऊ.
5. आम्ही प्रत्येक गोष्ट सोप्या भाषेत समजावून सांगू. ऐकणारा कोण आहे हे पाहून, गरजेनुसार विषय सोपा करून सांगू आणि प्रश्नांचे नेहमीच स्वागत असेल. सुरुवातीला ठरल्याप्रमाणे आम्ही सहभागी होणाऱ्या प्रेक्षकांची/लोकांची जाणीव ठेवू; विषय सोपे करून सांगण्यासाठी आणि लोकांना पडणाऱ्या प्रश्नांची उत्तरे देण्यासाठी नेहमी तयार राहू.
6. आम्ही कठीण भाषा वापरणार नाही. गोंधळात टाकणारे तांत्रिक शब्द टाळू. No confusing jargon. सुरुवातीला ठरल्याप्रमाणे आमची भाषा शक्य तितकी तांत्रिक शब्दांपासून मुक्त आणि सोपी असेल.
7. आम्ही आमच्या नियोजनावर ठाम राहू. एकत्र मिळून ठरवलेली उद्दिष्टे, नियम आणि वचने पाळू. सुरुवातीला ठरल्याप्रमाणे सर्व कार्यक्रम हे एकत्र मिळून तयार केलेली क्लायमेट वीक इंडिया २०२५ ची उद्दिष्टे, आचारसंहिता आणि सामुदायिक करारांनुसारच आयोजित केले जातील.
8. उपलब्ध जागा, साहित्य आणि इतर संसाधने सर्व समुदायांना उपयोगी पडतील अशा पद्धतीने एकमेकांसोबत वाटून घेऊ. सुरुवातीला ठरल्याप्रमाणे जागा, विक्रेते आणि साहित्य यांसारख्या संसाधनांचा वापर सर्वांना सहज करता येईल अशा सहकार्याच्या भावनेने केला जाईल.
9. आम्ही विषयापासून भरकटणार नाही, हे हवामानासंबंधीच असेल. सुरुवातीला ठरल्याप्रमाणे आम्ही आमचे लक्ष हवामानावरील चर्चेवरच केंद्रित ठेवू, आणि शक्य तितके मुद्द्याला धरून राहू.
10. आम्ही समुदाय, निसर्ग आणि पर्यावरणाची काळजी घेण्यावर भर देऊ. सुरुवातीला ठरल्याप्रमाणे संपूर्ण संवाद हा समुदाय, पर्यावरण आणि शाश्वतता या संकल्पनांभोवतीच राहील याची आम्ही खात्री करू.
11. आम्ही कोणालाही दोष देणार नाही किंवा कमी लेखणार नाही. सुरुवातीला ठरल्याप्रमाणे क्लायमेट वीक इंडिया २०२५ मधील संवाद आणि उपक्रम व्यक्ती किंवा गटांना लक्ष्य करून त्यांची बदनामी करण्यासाठी वापरले जाणार नाहीत.
12. समुदाय सर्वात महत्त्वाचा असेल. हा अशा सर्वांचा उपक्रम आहे, ज्यांना पर्यावरण आणि सामाजिक न्यायाची काळजी आहे. सुरुवातीला ठरल्याप्रमाणे क्लायमेट वीक २०२५ च्या केंद्रस्थानी समुदाय-संचालित मूल्ये आहेत. पर्यावरणासाठी कृती आणि सामाजिक न्यायासाठी कटिबद्ध असलेल्या अनेक संस्था याचे सह-आयोजक आहेत.
13. स्थानिक लोक नेतृत्व करतील. आपण एकत्र काम करू, सर्वांना सामावून घेऊ आणि जबाबदारी वाटून घेऊ. सुरुवातीला ठरल्याप्रमाणे सहकार्य, सर्वसमावेशकता आणि सामायिक जबाबदारीला प्राधान्य देत आम्ही स्थानिक समुदायांना त्यांच्या गरजांनुसार उपायांचे नेतृत्व करण्यासाठी सक्षम करू. कारण स्थानिक लोकांना त्यांच्या स्वतःच्या गरजा काय आहेत हे अधिक स्पष्टपणे ठाऊक असते.
14. प्रत्येकाला समान संधी मिळेल. आपले हवामानावरील उपाय हे शाश्वत, न्याय्य, सर्वांसाठी सुलभ आणि स्थानिक ज्ञानावर आधारित असले पाहिजेत. सुरुवातीला ठरल्याप्रमाणे हा आठवडा सामूहिक कृतीची भावना बळकट करेल आणि हवामानविषयक धोरणे शाश्वत, न्याय्य, सर्वसमावेशक व स्थानिक ज्ञानावर आधारित राहतील यासाठी प्रयत्न करेल.
15. आम्ही चर्चा करण्यासाठी, शिकण्यासाठी आणि नवीन कल्पना आजमावण्यासाठी एक व्यासपीठ तयार करत आहोत, कारण हवामान बदलाचा ज्यांच्यावर सर्वाधिक परिणाम होतो, त्यांनीच या मार्गाचे नेतृत्व केले पाहिजे. सुरुवातीला ठरल्याप्रमाणे आम्ही संवाद, शिक्षण आणि नवकल्पनांसाठी एक व्यासपीठ तयार करत आहोत, ज्यामध्ये हवामान कृतीला सर्वाधिक प्रभावित लोकांचे नेतृत्व मिळावे या तत्त्वाला बळ दिले जाईल.