எங்களை அறிந்துகொள்ளுங்கள்

சமூக உடன்பாடுகள்

இந்த வழிகாட்டும் கொள்கைகள், 2025 ஏப்ரல் 11 அன்று நடைபெற்ற காலநிலை வார இணை அமைப்புகள் சந்திப்பில், சமூக உடன்பாடுகள் உருவாக்கும் செயல்முறையின் மூலம் வடிவமைக்கப்பட்டவை. இவற்றை கூட்டாகத் தொடர்ந்து செம்மைப்படுத்தும் பணியில் அனைத்து இணை அமைப்புகளும் பங்கேற்க அழைக்கப்படுகின்றன.

காலநிலை வாரத்தின் இணை அமைப்புகளாகிய நாங்கள், கூட்டாக பின்வருவனவற்றை ஏற்றுக்கொள்கிறோம்…

ஒவ்வொரு உடன்பாடும் இங்கு எளிமையாக விளக்கப்பட்டுள்ளது. சமூகம் ஏற்றுக்கொண்ட அசல் உரையைப் பார்க்க, அதற்குரிய அம்புக்குறியைக் கிளிக் செய்யவும்.

1. நாங்கள் அனைவரையும் திறந்த மனதோடு வரவேற்கிறோம். குறிப்பாக, எப்போதுமே ஒதுக்கி வைக்கப்படுபவர்களை; ஏனெனில், நாம் பார்க்கத் தவறுகின்றவற்றை அவர்கள் தெளிவாகக் காண்கிறார்கள்! முதலில் ஏற்றுக்கொள்ளப்பட்ட படி பிரச்சினைகளையும் தீர்வுகளையும் இன்னும் ஆழமாகப் புரிந்துகொள்ள, புதிய முகங்களையும், இதுவரை புறக்கணிக்கப்பட்ட தரப்பினரையும் நாம் ஒரே மேடையில் ஒன்றிணைப்போம்.
2. மக்களிடையே அச்சத்தை மட்டும் பரப்ப மாட்டோம். காலநிலைச் செய்திகள் கவலையை ஏற்படுத்தக்கூடும். எனவே, ஒவ்வொரு காலநிலைச் சவாலை பற்றி பேசும்போது, நம்பிக்கையையும் மக்கள் நடைமுறையில் பின்பற்றக்கூடிய தீர்வுகளையும் இணைத்துப் பகிர்வோம். முதலில் ஏற்றுக்கொள்ளப்பட்ட படி காலநிலை வாரத்தின் நிகழ்வுகளும் உள்ளடக்கங்களும், காலநிலைப் பதற்றத்தை ஏற்படுத்தக்கூடிய அம்சங்களை கருத்தில் கொண்டு வடிவமைக்கப்படும். அத்தகைய ஒவ்வொரு தலைப்புடனும், நம்பிக்கையையும் செயல்படத் தூண்டும் வழிகளையும் இணைத்து, அந்தப் பதற்றத்தை சமநிலைப்படுத்த முயற்சிப்போம்.
3. காலநிலை வாரத்துடன் மட்டும் நின்றுவிடாமல், ஆண்டு முழுவதும் தொடர்ந்து உரையாடுவோம். முதலில் ஏற்றுக்கொள்ளப்பட்ட படி காலநிலை வாரம், அனைத்து இணை அமைப்புகளின் பங்கேற்புடன், ஆண்டு முழுவதும் காலநிலை குறித்த உரையாடல்களைத் தொடர்ந்து முன்னெடுக்கும்.
4. நீடித்து நிலைக்கும் மாற்றத்தை உருவாக்குவோம். நிகழ்வுகள் முடிந்தாலும், சமூகமும் நமது பணியும் தொடர்ந்து வளரும். முதலில் ஏற்றுக்கொள்ளப்பட்ட படி நிகழ்வுகளுக்கு அப்பாலும், இந்த அனுபவமும் அதற்கான இடமும் நீண்டகாலம் தொடரும் வகையில் கூட்டாகவும் நோக்கத்துடனும் செயல்படுவோம்.
5. நாங்கள் எதையும் தெளிவாக எடுத்துரைப்போம். கேட்பவர்களின் நிலையறிந்து விஷயங்களை எளிமைப்படுத்துவோம்; உங்களுடைய கேள்விகளை நாங்கள் எப்போதும் மகிழ்ச்சியோடு வரவேற்கிறோம். முதலில் ஏற்றுக்கொள்ளப்பட்ட படி பங்கேற்பாளர்களின் தேவைகளையும் புரிதலையும் கருத்தில் கொள்வோம். தேவையான இடங்களில் தலைப்புகளை எளிமையாக விளக்குவோம்; கேள்விகளையும் மனமுவந்து வரவேற்போம்.
6. எளிய மொழியில் பேசுவோம். குழப்பமூட்டும் தொழில்நுட்பச் சொற்களைத் தவிர்ப்போம். No confusing jargon. முதலில் ஏற்றுக்கொள்ளப்பட்ட படி முடிந்தவரை தொழில்நுட்பச் சொற்களைத் தவிர்ப்போம்.
7. நாம் இணைந்து வகுத்த திட்டத்தைப் பின்பற்றுவோம். ஒன்றாக உருவாக்கிய இலக்குகள், விதிமுறைகள் மற்றும் உறுதிமொழிகளைக் கடைப்பிடிப்போம். முதலில் ஏற்றுக்கொள்ளப்பட்ட படி கூட்டாக உருவாக்கப்பட்ட காலநிலை வாரம் இந்தியா 2025-இன் இலக்குகள், நடத்தை நெறிமுறை மற்றும் சமூக உடன்பாடுகளின்படி நிகழ்வுகளை நடத்துவதை நோக்கமாகக் கொண்டுள்ளோம்.
8. நம்மிடம் உள்ளவற்றைப் பகிர்ந்துகொள்வோம். நிகழ்விடங்கள், தேவையான பொருட்கள், உதவிக்கரங்கள் ஆகியவற்றை அனைவருக்கும் ஏற்ற வகையில் பகிர்வோம். முதலில் ஏற்றுக்கொள்ளப்பட்ட படி நிகழ்விடங்கள், சேவை வழங்குநர்கள், பொருட்கள் போன்ற வளங்களை, அனைத்து அமைப்பினரும் அணுகக்கூடிய வகையில், ஒத்துழைப்புடன் பகிர்ந்து பயன்படுத்துவதை நோக்கமாகக் கொண்டுள்ளோம்.
9. நமது கவனம் காலநிலையின் மீதே இருக்கும். உரையாடல்களும் அதனை மையமாகக் கொண்டே அமையும். முதலில் ஏற்றுக்கொள்ளப்பட்ட படி காலநிலை உரையாடல்களிலேயே கவனம் செலுத்துவோம். முடிந்தவரை காலநிலைச் சிக்கல்களை மையப்படுத்தியே செயல்படுவோம்.
10. சமூகம், இயற்கை, மற்றும் பூமியின் நலனைப் பேணுவதிலேயே நமது கவனத்தைச் செலுத்துவோம். முதலில் ஏற்றுக்கொள்ளப்பட்ட படி உரையாடல்கள் சமூகம், சூழலியல், மற்றும் நிலைத்தன்மை ஆகியவற்றை மையமாகக் கொண்டு நடைபெறுவதை உறுதிசெய்வோம்.
11. யாரையும் குற்றம் சாட்டவோ அவமானப்படுத்தவோ மாட்டோம். தனி நபரையோ குழுவையோ குறிவைத்து பழிபோட மாட்டோம். முதலில் ஏற்றுக்கொள்ளப்பட்ட படி காலநிலை வாரம் இந்தியா 2025இன் உரையாடல்களும் தகவல் பரிமாற்றங்களும், தனிநபரையோ குழுக்களையோ பெயரிட்டு குற்றம் சாட்டும் அல்லது அவமானப்படுத்தும் நோக்கத்துடன் செயல்படாது.
12. சமூகங்களுக்கே முதன்மை அளிப்போம். சுற்றுச்சூழல் பாதுகாப்பிலும் சமத்துவத்திலும் அக்கறை கொண்ட பல்வேறு அமைப்புகள் இந்த முயற்சியை இணைந்து முன்னெடுக்கின்றன. முதலில் ஏற்றுக்கொள்ளப்பட்ட படி கூட்டமைப்பின் அடிப்படை கோட்பாடுகளே காலநிலை வாரம் இந்தியா 2025-இன் அடித்தளம். சுற்றுச்சூழல் பாதுகாப்பிலும் சமூக நீதியிலும் உறுதிபூண்ட பல்வேறு அமைப்புகள் இணைந்து இதை முன்னெடுக்கின்றன.
13. உள்ளூர் மக்களின் தலைமையை முன்னிறுத்துவோம். அனைவரையும் இணைத்து, பொறுப்புகளைப் பகிர்ந்து செயல்படுவோம். ஏனெனில், தங்கள் சமூகத்தின் தேவைகளை உள்ளூர் மக்களே சிறப்பாகப் அறிந்திருப்பார்கள். முதலில் ஏற்றுக்கொள்ளப்பட்ட படி ஒத்துழைப்பு, அனைவரையும் அரவணைக்கும் அணுகுமுறை மற்றும் பகிரப்பட்ட பொறுப்புணர்வை முன்னிலைப்படுத்தி, எங்கள் சமூகங்களின் தனித்துவமான தேவைகளையும் பலங்களையும் பிரதிபலிக்கும் தீர்வுகளை உள்ளூர் மக்களே முன்னின்று உருவாக்கி வழிநடத்த வலுப்படுத்துகிறோம்.
14. அனைவருக்கும் சமமான வாய்ப்பு. எங்கள் காலநிலைச் செயல்திட்டங்கள் பூமிக்கு நன்மை பயப்பதுடன், அனைவரும் எளிதாக பங்கேற்கக்கூடியதாகவும், உள்ளூர் மக்களின் அறிவையும் அனுபவத்தையும் மதித்து உருவாக்கப்படுவதாகவும் இருக்க வேண்டும். முதலில் ஏற்றுக்கொள்ளப்பட்ட படி இந்த வாரம், கூட்டு நடவடிக்கையின் உணர்வை வலுப்படுத்தி, காலநிலைச் செயல்திட்டங்கள் நிலைத்தன்மை வாய்ந்ததாக மட்டுமல்லாமல், சமத்துவமானதாகவும், அனைவரும் எளிதாகப் பங்கேற்கக்கூடியதாகவும், உள்ளூர் மக்களின் அறிவு மற்றும் அனுபவத்தை அடிப்படையாகக் கொண்டதாகவும் அமைய வழிவகுக்கும்.
15. உரையாடவும், கற்றுக்கொள்ளவும், புதுமையான யோசனைகளை ஒன்றாக உருவாக்கவும் ஒரு தளத்தை நாங்கள் உருவாக்கி வருகிறோம். ஏனெனில், காலநிலை மாற்றத்தால் அதிகம் பாதிக்கப்படுபவர்களின் குரலே மாற்றத்தை வழிநடத்த வேண்டும். முதலில் ஏற்றுக்கொள்ளப்பட்ட படி ஒன்றிணைந்து, உரையாடல், கற்றல் மற்றும் புதுமைகளை ஊக்குவிக்கும் ஒரு தளத்தை நாம் உருவாக்கி வருகிறோம். காலநிலை மாற்றத்தால் அதிகம் பாதிக்கப்படும் மக்களே மாற்றத்தை உருவாக்கும் காலநிலை நடவடிக்கைகளின் முன்னோடிகளாக இருக்க வேண்டும் என்ற எங்கள் உறுதியை இது வெளிப்படுத்துகிறது.